Ik vroag mien af...

Ik vroag mien af... is de titel van het Kilders Volkslied. De tekst en de muziek zijn van Bernard Engelbarts.

Ik vroag mien af...

Kom ie den Hettenheuvel af, dan krie'j zo'n kale vlek

A'j doar dan noar beneden kiek dan zie'j mien lievelingsplek

Dan zie'j mien darp rondum de kerk, de peppels in 't verschiet

Een parel aan de rand van 't bos, doarveur zing ik dit lied.

Refrein:

Ik vroag mien af wie wil d'r now nog iets mooiers as Kilder

As 't ow doar niet bevilt, vroag 'k mien af wa'j wilt

Is dat ow niks weert, wut 't tied da'j wat leert

Ik vroag mien af wie wil d'r, now nog iets mooiers as Kilder.

En loop ik deur de velden hen, dan kump mien hart tot rust

Dan zie ik gunt de Loolaan weer, woar 'k vol meidjes heb gekust

Dan denk ik aan Marieke terug, en den heujmiet gunterwiet

Och wat was die deern toch lief, doarveur zing ik dit lied.

Refrein

En barst 'n feest in Kilder los, dan is mien darp te klein

Dan kommen ze ook van buuten af, en pruuven onze gein

As Kilder mor 't zelfde blif, niet veranderd met de tied

Dan zal ik wel tevr'je zun, doarum zing ik dit lied.

Refrein (2 keer)